У Беларусі сфарміраваныя стабфонды. Што будзем есці ўзімку?

У Беларусі сфарміраваныя стабфонды на зіму. Так, ва ўраджайных запасах на зіму на сталічным прадпрыемстве "Партызанскае" амаль 4 тысячы тон бульбы. У асартыменце таксама капуста - амаль тысяча хрумсткіх тон. Практычна столькі нарыхтавалі цыбулі, а яшчэ буракі і морква. Каб садавінагародніная прадукцыя доўга заставалася якаснай, створаны асаблівы мікраклімат: спецыяльныя камеры для кожнай культуры.

"Ураджайны фонд" ужо пачалі выкарыстоўваць, у першую чаргу - дзіцячыя сады і камбінаты школьнага харчавання, а таксама медустановы. Тым часам для гандлю гэта імпартазамяшчальны эфект. Толькі яблыкаў нарыхтавалі 900 тон. Сакавіты ўраджай будзе захоўвацца да пачатку лета.