У Беларусі ўбрана 50% плошчаў

Жніво-2018 перасягнула свой экватар. Убрана 50% плошчаў. Вага каравая на сёння - 3 мільёны 65 тысяч тон.

У лідары па намалоце выйшла Мінская вобласць - на яе рахунку 778 тысяч тон збожжа. Па тэмпах па-ранейшаму лідзіруе Брэсцкі рэгіён - тут не засвоеная ўсяго пятая частка плошчаў. Гродзенскія аграрыі намалацілі 680 тысяч тон хлеба. Практычна нараўне ідуць Гомельская і Віцебская вобласці. Сярэдняя ўраджайнасць па краіне - 28,4 цэнтнера з гектара.