У беларускім парламенце пачалася восеньская сесія

Пасяджэнні ідуць каля дзвюх гадзін. Працаваць пачнуць і сенатары. Наперадзе тры месяцы насычанага графіку - 20 законапраектаў чакаюць разгляду. Якім будзе парадак дня?

Якіх навацый чакаць бізнесу і нам, грамадзянам? У прамым эфіры спытаем у нашага карэспандэнта Вольгі Анішчанкі.

У цэлым якія задачы будуць вырашаць дэпутаты гэтай восенню, ужо вядома. Два дзясяткі законапраектаў - столькі ўключаць у парадак дня восеньскай сесіі. Але зразумела, што лічба не канчатковая: усё, што дапрацуюць, таксама вынесуць на галасаванне.

Са знакавых дакументаў - праект бюджэту-2019 і новы Падатковы кодэкс. Нагадаем, сёлета над дакументам ішла актыўная праца. Ён стане і больш лаяльным, і больш зразумелым для плацельшчыкаў. Але апошняе слова - за дэпутатамі.

Наогул, парадак дня гэтай восені насычаны. Тут і самыя народныя праўкі (у Працоўны і Жыллёвы кодэксы), вялікі блок эканамічных пытанняў. На гэта сёння з трыбуны нацэльвае ўвагу спікер ніжняй палаты парламента Уладзімір Андрэйчанка.

Чым яшчэ адзначыцца гэтая восень у дэпутатаў? На тыдні яны дадуць згоду на прызначэнне прэм'ерам Сяргея Румаса. Кіраўнік урада пасля падасць на суд парламента праграму дзеянняў абноўленага Кабінета міністраў. Фактычна гэта такая стратэгія працы на будучыню. Дэпутатам пастаўлена задача прыгледзецца пільна, важна выканаць ключавыя ўмовы: па-першае, стварэнне новых галін эканомікі і, па-другое, падтрымка малога і сярэдняга бізнесу.