Беларусь падасць Еўракамісіі прапановы па каардынацыі лічбавых праектаў

Сёння перамовы ў Мінску ў рамках еўрадыялогу правялі кіраўнікі Мінсувязі Беларусі, Азербайджана, Арменіі, Малдовы, Грузіі і Украіны. Вынік - да канца года будзе створана дарожная карта краін "Усходняга партнёрства". І да канца 2020 года будзе падпісана пагадненне аб гарманізацыі цэн на роўмінг. Гэта магчымасць пачаць перамовы для заключэння аналагічнага пагаднення з краінамі ЕС.

Ужо ў ліпені Беларусь падасць Еўракамісіі прапановы па каардынацыі лічбавых праектаў.

Заўтра другі дзень міністэрскіх дыялогаў з удзелам кіраўнікоў знешнепалітычных ведамстваў краін "Усходняга партнёрства". Сустрэчу таксама прысвецяць гарманізацыі лічбавых рынкаў ЕС і шасці дзяржаў-партнёраў. Нададуць увагу кібербяспецы і развіццю шырокапалоснага Інтэрнэту. Дарэчы, у Мінску ў чэрвені 2015 асноўнай тэмай на міністэрскіх сустрэчах была экалогія.