У Мінску адкрыўся ХХІІІ Беларускі энергетычны і экалагічны форум

Тут прадстаўлены самыя перадавыя сусветныя тэхналогіі для вытворчасці і размеркавання энергіі. На кірмашы інавацый - 158 распрацовак з 15-ці краін. Сярод іх - беларускія электравеласіпеды і электрасамакаты. Таксама гасцей выставы знаёмяць з новымі тэхналогіямі ў сістэме "Разумны дом". У рамках форуму эксперты абмеркавалі Мэты ўстойлівага развіцця Беларусі ў сферы энергетыкі і экалогіі.

Завершыцца міжнародны форум у пятніцу. Семінары і дыскусіі на тэму энергетыкі і энергаэфектыўнасці будуць праходзіць кожны дзень да 6 вечара.