У Мінску падводзяць вынікі працы дэкрэта "Аб развіцці прадпрымальніцтва"

Падвоіць ВУП да 2025 года, знайсці і замацаваць пункты судакранання ўлады і бізнес-супольнасці. У Мінску сёння кіраўнікі прадпрыемстваў, прадпрымальнікі, юрысты, адвакаты і прадстаўнікі ўлады абмяркоўваюць, як павысіць узровень прававой культуры і падтрымаць дыялог паміж суб'ектамі гаспадарання, рэгулятарамі і судамі, якія ажыццяўляюць эканамічнае правасуддзе ў Беларусі. Таксама на канферэнцыі падвядуць вынікі працы дэкрэта "Аб развіцці прадпрымальніцтва".

На канферэнцыі ўдзельнікі азнаёмяцца з прынцыпамі вырашэння працоўных спрэчак, праблем, звязаных з дамовамі лізінгу, страхавання, электроннымі дамовамі, пакрыццём выдаткаў пры арэндзе, правамі на аб'екты інтэлектуальнай уласнасці.