У прамысловую эксплуатацыю ўведзена інтэлектуальная сістэма "Лічбавае радовішча" ад Беларуснафты

Новая гістарычная эпоха ў беларускай нафтаздабычы - пачалася прамысловая эксплуатацыя інтэлектуальнай сістэмы "Лічбавае радовішча".

Яна дае магчымасць павялічыць здабычу нафты і знізіць яе сабекошт. У рэжыме анлайн разумная сістэма збірае тэхналагічныя даныя, аналізуе, падказвае алгарытм дзеянняў. "Лічбавае радовішча" дазваляе аптымізаваць вытворчыя працэсы, скарачаць прастоі абсталявання і выдаткі на энэргарэсурсы. Першапачаткова інтэлектуальную сістэму планавалі запусціць на адным з найстарэйшых радовішчаў Рэчыцкага раёна. Пазней межы пілотнага праекта пашырылі. Зараз высокатэхналагічнае ноу-хау кантралюе працу некалькіх соцень аб'ектаў нафтагазаздабыўнай кампаніі.

Па маштабах лічбавізацыі вытворчых працэсаў Беларуснафта займае першыя пазіцыі на ўсёй постсавецкай прасторы.