У Санкт-Пецярбургу прайшоў міжпраўсавет ЕАЭС

Лічбавае развіццё краін ЕАЭС, фарміраванне агульнага рынку газу, узаемадзеянне ў сферах энергетыкі і транспарту. Гэтыя і іншыя пытанні Еўразійскага эканамічнага саюза абмеркавалі прэм'ер-міністры Расіі, Беларусі, Казахстана, Кыргызстана і Арменіі.

У Санкт-Пецярбургу прайшоў міжпраўсавет ЕАЭС. Усяго на парадку дня амаль 2 дзясяткі важных для саюза тэм. Адна з іх - стварэнне адзінай сістэмы транзіту грузаў па мытнай тэрыторыі ЕАЭС. Усе тавары павінны быць прамаркіраваныя спецыяльнай сістэмай ідэнтыфікацыі. А інфармацыя аб іх уносіцца ў адзіны рэестр. Гэта дазволіць прасочваць іх рух, а такім чынам забяспечыць роўныя ўмовы канкурэнцыі, павысіць якасць тавараў, дапаможа весці барацьбу з шэрым рынкам і кантрафактам. Пасля Санкт-Пецярбурга эстафету прымае Мінск. Наступнае пасяджэнне міжпраўсавета Еўразійскага эканамічнага саюза пройдзе ў кастрычніку.