У паўночным рэгіёне з'явіліся першыя экіпажы-тысячнікі

Два мільёны тон збожжа. Беларускія хлебаробы пераадолелі новую мяжу. У лідарах па-ранейшаму Брэсцкая вобласць - на рахунку 665 000 тон хлеба. І ўбраць тут засталося ўсяго траціну плошчаў. Гродзенскі рэгіён намалаціў 530 000 тон збожжа, Мінскі - 487 000. Актыўна ўключыліся ў працу Віцебская і Магілёўская вобласці.

Дарэчы, у паўночным рэгіёне з'явіліся першыя экіпажы-тысячнікі. Сярэдняя ўраджайнасць па краіне на сёння - амаль 28 цэнтнераў з гектара. Гэта менш у параўнанні з мінулым годам, але тэмпы гэтай кампаніі больш хуткія. У Беларусі ўжо ўбраная траціна плошчаў. Тады як 30 ліпеня мінулага года было засвоена ўсяго 7 %. Паскорыцца аграрыям дапамагае надвор'е.