У Сірыі адкрыўся Міжнародны дамаскі кірмаш

На выставе ёсць і беларуская экспазіцыя. 11 кампаній прэзентавалі нашу дарожна-будаўнічую і сельскагаспадарчую тэхніку, грузавыя аўтамабілі, вырабы з металу і пластмасы, тавары бытавой хіміі, лекавыя сродкі новага пакалення. Таксама сірыйцы змаглі пакаштаваць беларускія малочныя прадукты. Дамаская выстава - адна з найстарэйшых у блізкаўсходнім рэгіёне. Летась экспазіцыю наведалі больш як два мільёны чалавек. А ўдзел прынялі каля 40 краін.