Ва Уфе адкрываецца Форум рэгіёнаў

Губернатары з 12 рэгіёнаў Расіі, усіх абласцей Беларусі, сенатары і члены ўрада гэтымі днямі збіраюцца ва Уфе. Там адкрываецца Форум рэгіёнаў. Вынікам юбілейнага 10-га пасяджэння стане падпісанне не менш як 25 сумесных пагадненняў. Вялікая частка з іх - кантракты на пастаўку тэхнікі і стварэнне новых сумесных зборачных вытворчасцей. Таксама ва Уфе пройдуць тэматычныя секцыі і выстава тавараў ад машынабудавання да навуковых распрацовак. Экспазіцыя разгорнецца на плошчы 7 тысяч квадратных метраў. Афіцыйная цырымонія адкрыцця ўжо заўтра. Сёння горад сустракае першыя дэлегацыі. Ужо адкрыта вуліца Дружбы, дзе прадэманстраваны лепшыя дасягненні ўсіх галін Беларусі і Расіі.

У першы дзень працы форуму пройдуць тэматычныя секцыі па прамысловай кааперацыі і развіцці АПК, а таксама гуманітарным супрацоўніцтве дзвюх краін. Адкрыюцца ва Уфе і беларускія магазіны прадуктаў харчавання і адзення.