У Віцебскай вобласці з'явіўся першы экіпаж-тысячнік

Віншаванні прымаюць камбайнер Леанід Аляксеенка і яго памочнік Павел Ханяк. Яны працуюць у сельгасфіліяле "Заазер'е" Лепельскага раёна. Зараз убіраюць азімае гібрыднае жыта. Культура высокаўраджайная. З гэтага поля вязуць да 55 цэнтнераў з гектара, а на некаторых участках ураджайнасць 102 цэнтнеры з гектара. Павіншаваць лідараў прыехаў кіраўнік вобласці Мікалай Шарснёў. Моладзеваму экіпажу ўручылі граматы і падарункі.

На поўначы краіны хлеб убраны з больш як 12 працэнтаў плошчаў. Сярэдняя ўраджайнасць - 29 цэнтнераў з гектара. Паралельна ідзе нарыхтоўка кармоў і ўзворванне зямлі пад азімую сяўбу.