Юбілейны Форум рэгіёнаў Беларусі і Расіі адкрыўся ва Уфе

Узаемны гандаль Беларусі і Расіі сёлета набірае абароты. Дынаміка складае каля 20 % да леташняга ўзроўню. Рэгіёны ўносяць значны ўклад ва ўмацаванне эканамічных сувязяў. Гэта адзначана на Форуме рэгіёнаў Беларусі і Расіі. Сёння ён афіцыйна адкрыты ў расійскай Уфе.

Форум штогод праходзіць пад патранатам прэзідэнтаў. Парламенты дзвюх краін - яго нязменныя ўдзельнікі. Гэта дазваляе ім напрамую пачуць, што чакае бізнес ад заканадаўцаў, у якіх кірунках у прававым полі патрэбны карэкціроўкі. А ў цэлым роля бізнесу ў вырашэнні актуальных эканамічных задач узрастае. Санкцыйная рэальнасць вызначае ключавыя кірункі сумеснай працы - замяшчэнне імпарту, кааперацыя ў прамысловасці. Перспектывы сёння абмеркавалі на пляцоўцы Форуму рэгіёнаў. Мяркуючы па лічбах саюзнага развіцця, гэта праца ўжо дае вынікі.

Форум рэгіёнаў штогод прыносіць нашым краінам дзясяткі пагадненняў аб супрацоўніцтве. Сёння ўжо дадзены старт падпісанням новых дакументаў. Чакаецца, што бакі заключаць таксама вялікую колькасць кантрактаў. Паводле папярэдніх ацэнак, выніковыя сумы перавысяць леташнія значэнні.