Жодзінскія БелАЗы могуць адправіцца на залатыя руднікі ў Верхнім Егіпце

Пра гэта ішла размова падчас наведвання парламенцкай дэлегацыяй Арабскай Рэспублікі завода БелАЗ. Каля двух дзясяткаў дэпутатаў з Каіра на чале са старшынёй Палаты прадстаўнікоў Егіпта Алі Абдэлем Аль Саедам прыехалі ў Жодзіна, каб на свае вочы ўбачыць вытворчасць знакамітых на ўвесь свет кар'ерных самазвалаў. Перспектыўным кірункам можа стаць пастаўка БелАЗаў на кар'еры "залатога трохвугольніка". Гэты раён багаты золатам і серабром і ўтрымлівае 75 % мінеральных рэсурсаў краіны.