Залатыя рэкорды з палёў - у Віцебскай вобласці з'явіўся першы вадзіцель-тысячнік

Следам за камбайнерамі-тысячнікамі ў Віцебскай вобласці з'явіўся першы вадзіцель-тысячнік. На перавозцы збожжа вызначыўся Дзмітрый Іваноў з агракомплекса "Янавічы". Віншаванні малады вадзіцель прымаў прама ў полі, і на гэты момант на яго рахунку ўжо былі паўтары тысячы тон збожжа, перавезеных з хлебнай нівы. Уборачная для Дзмітрыя Іванова не першая. У лідарах ён другі год запар. Ураджэнец гэтых мясцін застаўся працаваць на зямлі і не шкадуе.