Як Валожын рыхтуецца да свята "Дажынкі-2024"

Валожын рыхтуецца да свята працаўнікоў сяла - абласнога фестывалю-кірмашу "Дажынкі-2024". У горадзе ўжо актыўна ідзе добраўпарадкаванне вуліц, капітальны і бягучы рамонт жылога сектара, аднаўленне фасадаў грамадскіх устаноў: бібліятэкі, раённага цэнтра культуры, Дома быта. Уводзіцца сучасная сістэма асвятлення вуліц - святлодыёдныя ліхтары. Асфальтуюцца тратуары, а валожынскія шматпавярхоўкі набываюць непаўторны выгляд дзякуючы муралам.

Манументальны насценны роспіс нагадвае пра выдатных дзеячаў краю - мастака Фердынанда Рушчыца, драматурга Дуніна-Марцінкевіча, а таксама знаёміць з разнастайнасцю жывёльнага свету Налібоцкай пушчы.

Будынак іешывы (першага вышэйшага духоўнага вучылішча іўдзеяў на тэрыторыі Усходняй Еўропы) таксама рэканструююць, у ім плануюць стварыць музей.