Маштабныя мерапрыемствы пройдуць сёння ноччу ў Брэсцкай крэпасці

У 3:30 там пачнецца мітынг-рэквіем, на якім успомняць подзвіг абаронцаў. На досвітку, у 5:00, у крэпасці пройдзе ваенна-гістарычная рэканструкцыя. Яе ўдзельнікі адновяць элементы рэальных баёў за легендарную цытадэль. Белтэлерадыёкампанія пачне прамую трансляцыю адначасова з 17 камер, некалькіх дронаў і 2 перасовачных тэлевізійных станцый, размешчаных па ўсім перыметры мемарыяла "Брэсцкая крэпасць-герой". Рэканструкцыю трагічнай ночы мы пакажам у дэталях.

22 чэрвеня вечарам каля цытадэлі - кульмінацыя памятных мерапрыемстваў. Удзел возьме і наш Прэзідэнт. На захадзе сонца адбудзецца ўскладанне вянка да Вечнага агню ў мемарыяльным комплексе. У Брэсце Аляксандр Лукашэнка выступіць з прамовай ля сцен гераічнай крэпасці. Адбудзецца канцэрт - прысвячэнне героям. Усё пакажам у прамым эфіры. Пачатак у 20:55.