Сезон байкаў. На сталічных мотадромах ажыятаж

Асядлаць байк і навучыцца на ім перамяшчацца хутка і бяспечна. Ахвочых перасесці з аўтамабіля на двухколы транспарт гэтай вясной у Мінску традыцыйна шмат. На сталічных мотадромах, па словах інструктараў, ажыятаж. Курсантаў навучаюць некаторым пунктам тэорыі і практыкі месяц. Асноўныя элементы, якія здаюць на экзамене, - гэта праезд дошкі, змейкі, васьмёркі і аб'езд перашкоды з разгону. Але галоўная парада ад прафесіяналаў - выконваць усе правілы бяспекі.
На сталічных мотадромах праводзяць і контраварыйную падрыхтоўку - у якасці дадатковых заняткаў. Курсантаў рыхтуюць на асобнай пляцоўцы. Там адпрацоўваюць больш складаныя элементы, каб хутка навучыцца праходзіць павароты і вытрымліваць баланс у экстрэмальнай сітуацыі.