Будаўніцтва і мадэрнізацыя бальніц - як развіваецца медыцына ў Мінскай вобласці

У Мінскай вобласці актыўна развіваецца медыцына - будаўніцтва паліклінік, мадэрнізацыя бальніц і сучаснае абсталяванне. На асаблівым кантролі знаходзіцца інфраструктура гарадоў-спадарожнікаў і невялікіх населеных пунктаў. Так, у Смалявічах і Заслаўі ўзводзяць шматпрофільныя медыцынскія аб'екты для дзяцей і дарослых. Таксама ідзе будаўніцтва лячэбнага корпуса ў пасёлку Дружны і будынка ў Мінскім абласным радзільным доме. Паралельна ўмацоўваюць матэрыяльна-тэхнічную базу існуючых устаноў. Так, сёлета ў Вілейцы адкрылі кабінет конусна-прамянёвай камп'ютарнай тамаграфіі. А Мар'інагорская бальніца стала больш мабільнай - медыцынскі аўтапарк папоўніў мамограф на "колах". У спісе медыцынскіх прэм'ер Мінскай вобласці лідзіруе Барысаўскі раён. Тут запланавана рэканструкцыя інфекцыйнай бальніцы, узвядзенне цэнтра трансфузіялогіі і паліклінікі ў новым мікрараёне.