Студэнты Гродзенскага медуніверсітэта працуюць у бальніцах і паліклініках

Зараз як ніколі актуальная дапамога маладых медыкаў у барацьбе з інфекцыяй. 370 студэнтаў Гродзенскага медуніверсітэта працуюць у стацыянарах у якасці медсясцёр, малодшага персаналу, а таксама ў паліклініках і ў кол-цэнтрах. 55 чалавек займаюцца дабраахвотніцкай дзейнасцю (у прыватнасці, дастаўляюць пацыентам рэцэпты). Дапамогу ахове здароўя аказваюць і выкладчыкі.

Выкладчыкі Гродзенскай медВНУ штодня аказваюць дапамогу ў выглядзе тэлемедыцынскіх кансультацый і прымаюць непасрэдны ўдзел у больш складаных выпадках.