У Барысаўскім раёне стварылі STEM-прастору для дзяцей з асаблівасцямі развіцця

Інклюзіўная лабараторыя для адукацыі і даследавання навакольнага свету - унікальная для Беларусі STEM-прастора адкрылася ў Барысаўскім раённым карэкцыйна-развіваючым цэнтры.

Гэта спецыяльны вучэбна-метадычны комплекс для ранняй навуковай і інжынерна-тэхнічнай адукацыі. Прадугледжана яна для дзяцей ад 4 да 12 гадоў, каб знаёміць іх са з'явамі прыроды, фізічнымі законамі і хімічнымі рэакцыямі. Спецыяльных прылад для навуковых даследаванняў і дапаможнікаў хапае, каб правесці да 250 разнастайных доследаў.

Гэта сумесны расійска-беларускі дабрачынны праект. Мэбля і драўляныя модулі для арганізацыі навуковай прасторы - беларускія, а спецыяльнае абсталяванне і метадычны матэрыял - з Расіі. Зараз лабараторыя ў базавай напоўненасці - у планах ёсць пашырэнне функцыяналу.