У Валожыне губернатар Мінскай вобласці правёў прыём грамадзян

Пытанні жыхароў Мінскай вобласці 7 чэрвеня разглядаў губернатар Мінскай вобласці Аляксандр Турчын на асабістым прыёме ў Валожыне. Сярод асноўных тэм - электразабеспячэнне, якасць медабслугоўвання і дарог.

Са сваёй просьбай звярнуліся жыхары вёскі Люташ Валожынскага раёна. Іх хвалюе паляпшэнне якасці дарогі. Паводле слоў мясцовага жыхара, яна зарасла расліннасцю і даўно мае патрэбу ў ямачным рамонце. На рашэнне праблемы губернатар пазначыў тэрмін - на працягу тыдня ўсе работы павінны быць выкананы. З дарожным пытаннем звярнуўся і жыхар Мінска. Аляксея Канашонка хваляваў стан участка гравійнай дарогі ад трасы М1 да аграгарадка Засулле Стаўбцоўскага раёна. І гэта пытанне губернатар узяў на кантроль.

Усяго на сустрэчу з губернатарам прыйшлі каля 20 чалавек. Частка пытанняў вырашана на месцы. Усе звароты і заўвагі грамадзян узяты на кантроль.