Знаёмцеся: актыўныя, здольныя і захопленыя вучні Мінскай вобласці

Вызначыць тэмпературу і вільготнасць у памяшканні, а таксама праверыць узровень асветленасці. Спецыяльны модульны прыбор для вымярэнняў распрацаваў школьнік з Салігорска. Хутка ноу-хау ацэняць у фінале праекта "100 ідэй для Беларусі".

Тым часам да конкурсу талентаў рыхтуюцца юныя артысты з Мінскага раёна. А ў школьнай лабараторыі ў Маладзечне напярэдадні рэспубліканскіх алімпіяд праводзяць хімічныя эксперыменты. З актыўнымі, здольнымі і захопленымі вучнямі Мінскай вобласці пазнаёмілася Алена Вітко.

Выклікаць палаючую лаву, імгненна распаліць агонь без запалак ці атрымаць малако ў лабараторыі. Сапраўднае навуковае шоу дэманструе Марыя Стаўбунік з Маладзечна. Хімічнымі вопытамі і рэакцыямі вучаніца 7-й гімназіі захапілася сур'ёзна. Сёлета перамагла на абласной алімпіядзе, зараз рыхтуецца да рэспубліканскага фіналу.

Думае дзесяцікласніца і пра паступленне - выбірае паміж медыцынскім і хімічным факультэтамі. Падтрымліваць і папаўняць унутраны рэсурс дапамагаюць хобі. З дзяцінства займаецца танцамі, іграе на гітары.

Прылада інавацыйная і вырашае адразу некалькі задач: універсальная - не трэба насіць ўсе прыборы, бюджэтная - модульная канструкцыя выйдзе ў разы танней, чым купляць усё паасобку, тэхналагічная - смарт-працэсы змогуць спрасціць збор і захоўванне даных. У першую чаргу гэта ацэняць работнікі санэпідслужбы. Захаванне ўсіх нормаў у рэжыме рэальнага часу змогуць адсочваць і іншыя карыстальнікі. Дарэчы, на модульную канструкцыю ўжо ёсць заказы.