13 вайскоўцаў НАТА пацярпелі ў Літве

У Літве пры сутыкненні чатырох бронемашын, што ўдзельнічаюць у манеўрах "Сейбер страйк", пацярпелі 13 вайскоўцаў НАТА. Надзвычайнае здарэнне адбылося на трасе Прэнай - Каўнас. Тэхніка рухалася ў складзе калоны, калі адзін бронетранспарцёр пратараніў другі. Гэта справакавала яшчэ два сутыкненні. Як паведамляецца, дзве машыны атрымалі пашкоджанні, рух у раёне аварыі паралізаваны.