Аэрапорт Вільнюса эвакуіравалі з-за паведамлення аб бомбе

Трывожная раніца ў аэрапорце Вільнюса. Са сталічнай паветранай гавані былі эвакуіраваныя пасажыры з-за паведамлення аб закладзеным выбуховым прыстасаванні.

Ананімны званок з пагрозамі паступіў у 8 гадзін па мясцовым часе. Былі неадкладна праінфармаваныя ўсе спецслужбы, праведзена праверка памяшканняў і ацэнка сітуацыі. Работа Вільнюскага аэрапорта была заблакіравана амаль на тры гадзіны.

Апасенні не пацвердзіліся, работа аэрапорта адноўлена.