Аэрастат невядомага паходжання зноў быў заўважаны над ЗША

Аэрастат невядомага паходжання зноў з'явіўся ў небе над ЗША. Аб'ект заўважаны над Гавайскімі астравамі. Збіваць яго не сталі. Як растлумачыў кіраўнік амерыканскага Мінабароны, шар ляцеў у баку ад абаронных аб'ектаў і небяспекі не ўяўляў. Прыкмет кантролю над аб'ектам замежнымі або варожымі элементамі вайскоўцы ЗША таксама не заўважылі.

Шар паспяхова пакінуў паветраную прастору над Гаваямі і зараз набліжаецца да Мексікі. Яго паходжанне застаецца невядомым.