Анамальная спякота прыйшла і ў Італію

Сёння тут слупкі тэрмометраў узляцяць да 40 градусаў. Улады рэкамендуюць жыхарам заставацца дома, а турыстам - трымацца ў цені і скараціць знаходжанне на вуліцы. Падбалі і аб жывёлах. У рымскім заапарку звяроў кормяць ледзяной садавінай, а драпежнікаў частуюць астуджаным мясам.

Тым часам у Японіі спякота прывяла да сапраўднай катастрофы. За апошні тыдзень ахвярамі высокіх тэмператур сталі 39 чалавек - у асноўным пажылыя людзі. Больш як 10 тысяч жыхароў шпіталізаваныя з цеплавымі ўдарамі. Складаней за ўсё сітуацыя ў цэнтральнай і заходняй частцы Японіі. У некаторых прэфектурах тэмпература вышэй за плюс 41.