Арменія адзначае Дзень Незалежнасці

Арменія сёння адзначае Дзень Незалежнасці. Свята ўстаноўлена ў гонар рэферэндуму аб абвяшчэнні краінай суверэнітэту 21 верасня 1991 года.

Прэзідэнт Беларусі накіраваў віншаванне прэм'ер-міністру і прэзідэнту Арменіі. Аляксандр Лукашэнка адзначыў, што нашы дзяржавы звязвае даўняе трывалае сяброўства. Беларускі лідар выказаў надзею, што дзвюм краінам удасца поўнасцю рэалізаваць патэнцыял супрацоўніцтва ў імя росквіту жыхароў Беларусі і Арменіі.