Дэбаты Байдэна і Трампа прайшлі ў ЗША

Эканоміка, міграцыя, экалогія, знешняя палітыка ЗША сталі тэмамі першага раўнда дэбатаў кандыдатаў у прэзідэнты Штатаў. Упершыню такое мерапрыемства прайшло без гледачоў і журналістаў.

Кандыдаты нават не павіталі адзін аднаго, адразу пяройдучы да абвінавачанняў. Байдэн пачаў з заявы, што эканоміка дасталася яму ад папярэдніка ў жаласным стане. Трамп у адказ нагадаў пра небывалы ўзровень інфляцыі пры цяперашнім прэзідэнце і наплыў мігрантаў, а таксама абвінаваціў яго ў тым, што ЗША страцілі міжнародны прэстыж.

Асаблівую ўвагу надалі знешняй палітыцы Штатаў: Трамп раскрытыкаваў Байдэна за ганебны вывад войскаў з Афганістана. І зноў абвінаваціў яго ў наўмысным марнаванні вялізных сродкаў на падтрыманне ваенных дзеянняў ва Украіне.

Асобай інтрыгай дэбатаў стаў фізічны стан Байдэна. Яшчэ да выступлення Сонны Джо паказаў у сацсетках "зараджаную ваду" і адзначыў, што не ведае, што туды дадалі. Гэта не занадта дапамагло: Байдэн дапускаў памылкі ў размове, блытаючы словы і лічбы, і зноў забыў акалічнасці гібелі свайго сына.

Дайшло і да прамых абраз: гаспадар Белага дома назваў саперніка "няўдачнікам і лузерам". Затое не паскупіўся пахваліць сваю адміністрацыю, адмаўляючы ўсе праблемы.

Дэбаты працягваліся 90 хвілін - увесь гэты час кандыдатам прыйшлося правесці стоячы. Мабыць асцерагаючыся, што Байдэн зноў заблудзіцца пры выхадзе, са студыі яго суправаджала жонка.