Беспарадкі ў Бразіліі - затрыманы 1 200 чалавек

У Бразіліі працягваюцца арышты пратэстоўцаў, якія распачалі спробу захопу ўрадавых будынкаў. Ужо затрыманы 1 200 чалавек. Паліцыя канфіскавала дзясяткі аўтобусаў, на якіх удзельнікаў мітынгаў звозілі ў сталіцу з усёй краіны.

Паведамляецца, што арганізатары беспарадкаў рассылалі ў тэлеграм-каналах паведамленні, дзе прапаноўвалі бясплатныя месцы ў аўтобусах, а таксама ежу і напоі. Улады пачалі расследаванне пратэстаў, спрабуючы ўстанавіць, хто мог іх фінансаваць. Следчыя аглядаюць урадавыя будынкі, каб сабраць узоры ДНК і асабістых рэчаў пагромшчыкаў.