Bloomberg: Еўропа з неверагоднай хуткасцю спальвае запасы газу

Еўропа спальвае запасы газу хутчэй, чым калі-небудзь за апошнія 7 гадоў. Пра гэта паведамляе Bloomberg. У агенцтве прааналізавалі запасы блакітнага паліва ў сховішчах і высветлілі, што яны паменшыліся на 25 працэнтных пунктаў. Апошні раз такое было ў 2018 годзе.

Эксперты падкрэсліваюць, што надвор'е стала больш халодным у большасці дзяржаў паўночна-заходняй Еўропы, а гэта справакуе далейшае выманне газу са сховішчаў. Раней паведамлялася, што цэны на блакітнае паліва ў еўрапейскіх краінах дасягнулі максімальнага ўзроўню з кастрычніка 2023 года. Гэта звязана ў тым ліку з прыпыненнем транзіту з Расіі праз Украіну. Газпрам летась паставіў па гэтым маршруце каля 15 млрд кубаметраў, што склала каля 5 % ад агульнага спажывання ў ЕС. Кіеў неаднаразова заяўляў пра намер не прадаўжаць транзітную дамову. З 1 студзеня пастаўкі спыніліся.