Балгары пратэстуюць супраць планаў улад увесці ў краіне еўра

У Балгарыі неспакойна. У цэнтры Сафіі, каля будынка ўрада, пратэстоўцы высыпалі ўгнаенне. Там прайшоў мітынг супраць планаў улад увесці ў краіне еўра замест нацыянальнай валюты.

Людзі таксама падпалілі манекен на даху аўтамабіля з надпісам "У адстаўку, здраднікі!"

Як растлумачылі арганізатары акцыі, Канстытуцыйны суд Балгарыі праігнараваў волевыяўленне больш чым 600 тысяч грамадзян, якія заявілі аб неабходнасці правядзення рэферэндуму па спрэчным пытанні.