Больш чым 3,5 тыс. салдат возьмуць удзел у вучэннях шматнацыянальнай брыгады НАТА ў Латвіі

Прыбалтыка ператвараецца ў баявы палігон НАТА. У Латвіі пройдуць першыя поўнамаштабныя вучэнні шматнацыянальнай брыгады альянсу.

У Мінабароны рэспублікі паведамілі, што манеўры будуць праводзіцца з 1 па 14 лістапада ў рэгіёнах Відземэ і Земгале.

Больш чым 3,5 тыс. салдат саюзнікаў возьмуць удзел у вучэннях "Рашучы воін - 2024", у рамках якіх прадэманструюць здольнасць шматнацыянальнай брыгады праводзіць аперацыі, інтэгруючы ўсе падпарадкаваныя і дапаможныя падраздзяленні. Адзначаецца, што гэтая брыгада ў Латвіі аб'ядноўвае вайскоўцаў 13 краін - удзельнікаў НАТА.