Брытанскі міністр Дэвід Дэвіс падаў у адстаўку

Каралеўства засталося без галоўнага перагаворшчыка па пытаннях Брэксіту. Брытанскі міністр Дэвід Дэвіс падаў у адстаўку. Рашэнне звязана з яго нязгодай з планам прэм'ер-міністра аб будучых мытных пагадненнях з Еўрасаюзам. Раней Тэрэза Мэй аб'явіла, што Лондан выступае за стварэнне зоны свабоднага гандлю з ЕС. Разам з Дэвісам сваю пасаду пакінуў і яго намеснік Стыў Бэйкер. Адстаўкі Тэрэза Мэй прыняла і падзякавала за праробленую працу.