Букмекеры прымаюць стаўкі на дэбаты кандыдатаў у прэзідэнты ЗША

Перадвыбарны амерыканскі запал. Байдэн на дэбатах з Трампам засне або зноў спатыкнецца? Сярод букмекераў - небывалы ажыятаж.

Паводле паведамленняў амерыканскіх СМІ, больш за ўсё зарабіць можна на стаўцы "Ціфані Трамп - з усіх сваякоў кандыдатаў будзе згадана першай". Акрамя іншага, спрачаюцца, хто раней вылаецца на дэбатах - 45-ты або 46-ты прэзідэнт ЗША.

У інтэрнэце таксама распаўсюджваюцца кадры "народнай статыстыкі". У магазінах Вашынгтона часопісы Time з Трампам на вокладцы амаль раскупілі, а выданні з загалоўкам "Што будзе, калі пераможа Байдэн", пакуль папулярнасцю не карыстаюцца.

Першы этап палітычнага тэлешоу ЗША адбудзецца ўжо заўтра ў Атланце.