Колькасць захварэўшых на каранавірус у свеце перавысіла 238 млн чалавек

Колькасць захварэўшых на кавід у свеце перавысіла 238 мільёнаў. Урады ўзмацняюць меры па ахопе вакцынацыяй грамадзян. Улады Сінгапура забаранілі непрышчэпленым жыхарам наведваць установы грамадскага харчавання і гандлёвыя цэнтры. У кафэ і рэстаранах за адным сталом могуць знаходзіцца толькі два наведвальнікі.

У сталіцы Індыі Нью-Дэлі невакцынаваных супрацоўнікаў дзяржустаноў адхіляць ад працы. Такое рашэнне прынята напярэдадні адкрыцця краіны - з 15 кастрычніка Індыя пачне прымаць чартарныя рэйсы. А з 15 лістапада - усе турыстычныя. У МУС Індыі падкрэслілі, што замежныя турысты і перавозчыкі павінны выконваць усе пратаколы і нормы, якія датычацца кавіду.

У Мадрыдзе гэтай ноччу сталі прымаць наведвальнікаў начныя клубы. Яны адкрыліся пасля 20 месяцаў прастою. На вуліцах іспанскай сталіцы паліцыя дзяжурыла ва ўзмоцненым рэжыме.