Колькасць ахвяр лясных пажараў у Грэцыі перавысіла 90 чалавек

Яшчэ 25 прапалі без вестак. Іх пошукі вядуцца і ў вадзе, і на зямлі. Сітуацыя ўскладняецца дрэннымі ўмовамі надвор’я. Спякота ў рэгіёне змянілася праліўнымі дажджамі. Ратавальнікі ўражаны маштабамі катастрофы. Пасля пажараў у Атыцы сярод загінуўшых аказалася вельмі шмат дзяцей. Урад распрацоўвае план па выпраўленні шматгадовых будаўнічых парушэнняў. У згарэлых пасёлках знайшлі памылкі, якія дапусцілі пры ўзвядзенні. Доступы да мора ў некаторых месцах былі цалкам перакрытыя, у людзей проста не было шанца выратавацца. З пачатку ліпеня ў Грэцыі стаяла надзвычай гарачае надвор'е - плюс 40.