Колькасць ахвяраў землетрасення ў Турцыі набліжаецца да 18 тысяч

У Турцыі працягвае расці колькасць ахвяраў землетрасення. Паводле абноўленай статыстыкі: загінуўшых 17 674, пацярпелых - амаль 73 тысячы.

Спецслужбы працягваюць разбіраць завалы ў пошуках выжыўшых. Цудоўныя гісторыі выратавання даюць спадзяванні тым, чые сваякі пакуль лічацца прапаўшымі без вестак. Так, у турэцкай правінцыі Хатай ратавальнікі дасталі з-пад завалаў 10-гадовую дзяўчынку праз 90 гадзін пасля землетрасення.

Паводле даных мясцовых СМІ, дзіця даставілі ў бальніцу.

У Сірыі, паводле афіцыйных даных, колькасць загінуўшых 1347 чалавек. Тэлеканал "Аль-Джазіра" паведамляе, што землетрасенне магло забраць жыцці больш як 3 тысяч сірыйцаў.

Таксама стала вядома, што дзіця, якое нарадзілася пад абломкамі пасля землетрасення, зараз знаходзіцца ў бальніцы і пачуваецца добра. Людзей не пакідаюць сам-насам з трагедыяй. У дапамозе Сірыі і Турцыі аб'яднаўся ўвесь свет.