Колькасць ахвяр землетрасення ў японскай Осацы перавысіла 200 чалавек

Загінулі трое жыхароў. Траўмы атрымалі жыхары чатырох прэфектур, хаця штуршкі адчуваліся ў адзінаццаці рэгіёнах. Пры гэтым моцных разбурэнняў няма, пагрозу цунамі выключылі.

Землетрасенне магнітудай 6,1 адбылося на захадзе Японіі сёння раніцай. Яго ачаг залягаў на глыбіні 13 кіламетраў. Каля 170 тысяч дамоў засталіся без электраэнергіі. Спыніўся рух цягнікоў і метро. Адменены рэйсы ў аэрапорце.