Дыега Арманда Марадона зрабіў прапанову сваёй сяброўцы Росіа Аліве

Легендарны форвард, а таксама старшыня праўлення брэсцкага "Дынама" Дыега Арманда Марадона зрабіў прапанову сваёй сяброўцы Росіа Аліве. Гэта здарылася на вечарынцы ў Буэнас-Айрэсе ў гонар 28-га дня нараджэння Росіа. 57-гадовы Марадона падарыў выбранніцы брыльянтавы пярсцёнак. Дзяўчына, якая ў мінулым таксама была прафесійным гульцом у футбол, адказала згодай. Пара пазнаёмілася ў 2012 годзе. Праз два гады Марадона зрабіў прапанову Аліве, але тады да вяселля справа не дайшла.