Дыпламатычны скандал паміж Індыяй і Канадай

Дэлі высылае дзясяткі прадстаўнікоў паўночнаамерыканскай краіны - усяго 41 дыпламата. Акрамя таго, канадскім грамадзянам перасталі выдаваць індыйскія візы.

Канфлікт узнік з-за гібелі ў Брытанскай Калумбіі сікхскага актывіста: улады Канады абвінавацілі ў гэтым індыйскія спецслужбы, што вельмі абурыла афіцыйны Дэлі.

У Атаве тым часам працягваюць узмацняць ваяўнічую рыторыку і, відаць, высылкай справа не абмяжуецца: усё ідзе да поўнага разрыву дыпламатычных адносін.