Дыпламатыі канец: ЗША і Іран пераходзяць да вайны на знясіленне

Канфлікт на Блізкім Усходзе, здаецца, канчаткова зайшоў у тупік. Як паведамляе CNN са спасылкай на крыніцы ў Белым доме, перамовы паміж ЗША і Іранам цалкам спынены.

Тым часам Вашынгтон паведаміў саюзнікам пра змену стратэгіі. Замест спробаў неадкладна зламаць Тэгеран ваенным шляхам Штаты пераходзяць да тактыкі доўгатэрміновага эканамічнага і палітычнага ўдушэння.

У той жа час газета The Washington Post заяўляе, што Пентагон разглядае магчымасць сур’ёзна скараціць амерыканскую ваенную прысутнасць у Персідскім заліве. Прычынай сталі маштабныя пашкоджанні інфраструктуры баз падчас сутыкненняў з Іранам. Аднаўляць пашкоджаныя аб’екты ў ранейшым аб’ёме ЗША не плануюць, лічачы гэта рэдкім шанцам цалкам перабудаваць архітэктуру сваіх сіл на Блізкім Усходзе.

У сваю чаргу Тэгеран дэманструе абсалютную бескампраміснасць. Кіраўнік МЗС Ірана адхіліў прапановы пасрэднікаў аб часовым спыненні агню. Па словах дыпламата, гаворка можа ісці толькі пра поўнае завяршэнне вайны на ўмовах Ірана.