Экіпаж карабля "Саюз" вяртаецца з МКС на Зямлю

Пасадка апарата адбудзецца прыкладна праз 7 гадзін на тэрыторыі Казахстана. У гэтыя хвіліны ў раёне зоны прызямлення ўжо ў поўнай гатоўнасці чатыры пошукава-эвакуацыйныя машыны.

Дамоў вернуцца ўдзельнікі 55-56 даўгачаснай экспедыцыі: касманаўт Раскосмасу Алег Арцем’еў і астранаўты NASA Эндру Фойстэл і Рычард Арнальд. На арбіту яны адправіліся ў сакавіку. А ўжо 11 кастрычніка з касмадрома Байканур на караблі "Саюз МС-10" на арбіту стартуе наступная экспедыцыя ў складзе расійскага касманаўта Аляксея Аўчыніна і амерыканскага астранаўта Ніка Хейга.