Экспедыцыя наступнага "Саюза" можа стартаваць напрыканцы лістапада

Раскосмас назваў прычыну аварыі ракеты "Саюз". Адбылося сутыкненне элементаў пры раздзеле першай і другой ступеняў носьбіта. Нагадаем, напярэдадні з Байканура на расійскім пілатуемым караблі на МСК адправілася чарговая міжнародная экспедыцыя, але з-за няштатнай сітуацыі, што адбылася ўпершыню за 35 гадоў, экіпажу прыйшлося аварыйна прызямліцца ў Казахстане. Касманаўты - расіянін Аляксей Аўчынін і амерыканец Нік Хейг - ужо дастаўлены ў Маскву, іх самаадчуванне добрае. Экспедыцыя наступнага "Саюза", як перадаюць СМІ, можа стартаваць напрыканцы лістапада. На арбіту адправяцца дублёры аварыйнага экіпажа - расіянін Алег Кананенка і канадзец Давыд Сен-Жак.