Еўрасаюз можа павялічыць кошт афармлення віз у шэрагу краін

Паслы ЕС ад імя Савета Еўрасаюза адобрылі мандат на перамовы з Еўрапарламентам наконт перамен у Візавым кодэксе. У планах павелічэнне кошту афармлення віз з 60 да 80 еўра, а таксама ўзмацненне жорсткасці правіл іх выдачы. Гэтыя меры дазволяць забяспечыць больш эфектыўнае кіраванне міграцыяй і спросцяць працэдуру выдачы віз добрапрыстойным падарожнікам. Гэта першы крок у рэформе Шэнгенскага кодэкса. Зараз прапанову паслоў павінен разгледзець Еўрапарламент разам з Саветам ЕС.