Фермерскія пратэсты ахопліваюць усё новыя краіны ЕС

Пратэсты французскіх сялян набываюць усё большы напал. Аграрыі паспрабавалі заняць найбуйнейшы парыжскі аптовы рынак, паліцыя ўступіла з імі ў сутычку. Затрыманы амаль 80 чалавек, да некаторых прымялілі сілу.

Уезды-выезды ў французскую сталіцу блакаваныя з поўдня і захаду. Каб перашкодзіць аднаўленню руху, на аўтамагістралях ламаюць асфальт альбо проста засыпаюць яго чарназёмам. Нягледзячы на нязручнасці, большая частка французаў падтрымлівае сялян: у гарадах праходзяць нават дзіцячыя маніфестацыі - юныя дэманстранты на цацачных трактарах салідарныя са сваімі бацькамі.

А прэзідэнт Макрон у гэты лёсавызначальны момант проста з'ехаў у Швейцарыю для ўдзелу ў свецкіх мерапрыемствах, сёння ён збіраецца ў Брусель. Звярнуцца да аграрыяў, якія бунтуюць, часу ў палітыка не знайшлося.

У Германіі сёння анансавана забастоўка авіятараў: пералёты з найбуйнейшых аэрапортаў Берліна, Гамбурга, Гановера поўнасцю спынены. У астатніх паветраных гаванях колькасць вылетаў скароціцца. Авіяперсанал дабіваецца павышэння зарплат, паколькі даходы работнікаў у Германіі сур'ёзна зменшыла інфляцыя.

У краіне таксама не сціхае забастоўка фермераў. У бундэстагу ў іх ёсць саюзнікі - партыю "Альтэрнатыва для Германіі" падтрымлівае ўжо траціна насельніцтва, і рост папулярнасці руху працягваецца.

Тым часам сялянскія пратэсты шырацца: бельгійскія аграрыі ўзялі ў акружэнне будынак Еўрапарламента і блакавалі шэраг магістраляў. У горадзе сёння павінен стартаваць саміт кіраўнікоў ЕС - спакою ім пратэстоўцы не дадуць.