Французскія ўлады распачалі ўзвядзенне шкляных бар'ераў вакол Эйфелевай вежы

Сцены з ударатрывалага шкла абароняць галоўную славутасць Парыжа ад патэнцыйных атак тэрарыстаў. Чакаецца, што трохметровыя панэлі будуць усталяваныя з паўднёвага і паўночнага бакоў вежы ўжо да канца года. Акрамя таго, перад сімвалам сталіцы Францыі будуць усталяваныя 420 загараджальных блокаў. Яны засцерагуць шматлікіх турыстаў ад тэрактаў з выкарыстаннем аўтамабіляў. Паведамляецца, што на працы пойдзе 35 мільёнаў еўра. Адзначым, што металічная агароджа, якой у 2016 годзе ў антытэрарыстычных мерах была абнесеная Эйфелева вежа, будзе дэмантаваная. Застануцца толькі празрыстыя сцены, якія, па меркаванні ўлад, не сапсуюць выгляд галоўнай славутасці.