Грэчаская паліцыя прымяніла слёзатачывы газ супраць бежанцаў

Сутычкі і беспарадкі адбыліся напярэдадні ўначы ў грэчаскім лагеры для бежанцаў на ўскраіне Афін. Тут прайшла паліцэйская аперацыя па высяленні мясцовых насельнікаў. Мігранты аказалі супраціўленне і сталі ўзводзіць барыкады. Пачаліся сутыкненні з прымяненнем слёзатачывага газу. Як заявіла Міністэрства міграцыі Грэцыі, гэты лагер для бежанцаў, дзе зараз пражываюць каля 670 чалавек, плануецца поўнасцю эвакуіраваць да канца года ў сувязі з мадэрнізацыяй тэрыторыі.