Гучныя адстаўкі ў польскай арміі

Гучныя звальненні ў арміі Польшчы. Адразу два важныя камандуючыя падалі ў адстаўку - начальнік Генштаба Войска Польскага і аператыўны камандуючы Узброенымі сіламі.

Заявы ўжо паступілі ў канцылярыю прэзідэнта. Як паведамляе выданне Rzeczpospolita, прычынай звальненняў стаў канфлікт з міністрам абароны. Меркавана, ён можа быць звязаны з падзеннем ракеты пад польскім горадам Быдгашч у снежні 2022-га. Палёт тады не адсачыла сістэма СПА.

Адстаўка двух ключавых генералаў за пяць дзён да выбараў у Польшчы выглядае палітычнай і здольная паўплываць на настрой электарату.