Штучны інтэлект замест чалавека

Адна з самых буйных у свеце IT-кампаній - IBM - прыпыніць набор супрацоўнікаў, якіх плануецца замяніць штучным інтэлектам. У зоне рызыкі каля 8 тысяч чалавек. Эксперты занепакоеныя, што такі прыклад стане заразлівым і пацягне за сабой выбух на рынку працы. Фінансавы дырэктар IBM Джэймс Кавана заявіў, што кампанія дзякуючы кіраванню расходамі, у тым ліку скарачэнню рабочых месцаў да канца 2024 года сэканоміць больш як 2 млрд долараў.